9月25日，港九木匠總工會一班理幹事同義工服務隊齊齊化身「電話專員」，展開咗「會員全接觸」行動，主動打電話俾會員，關心大家嘅就業情況！
港九木匠總工會 會員全接觸
呢次唔係一般嘅問候，而係為咗收集行業真實薪酬數據，為十月嘅薪酬發布會做好準備。你嘅開工情況、人工走勢、行業前景睇法，統統都係工會最關心嘅資訊。
如果你收到我哋嘅電話，唔使客氣，歡迎同我哋傾多幾句！你嘅意見，將會成為工會為同業爭取合理薪酬嘅重要力量。
多謝每一位接聽電話嘅會員，亦多謝落力打電話嘅理幹事同義工！我哋十月薪酬發布會見！
#港九木匠總工會 #會員全接觸 #電話訪問 #你嘅聲音我哋聽到 #為薪酬發布會做準備 #義工服務隊